O Consello Nacional aproba por amplísima maioría o programa e as candidaturas para o 21-O
O candidato do BNG á presidencia da Xunta de Galiza, Francisco Jorquera, respondeulle hoxe a Feijóo que hai unha Galiza que resistiu 500 anos de dominación, unha Galiza indomábel e insubmisa que o 21 de outubro abrirá un novo tempo político para o noso país da man do BNG.
Jorquera interveu esta mañá no Consello Nacional do BNG que aprobou por amplísima maioría tanto o programa como as listas coas que a formación nacionalista concorrerá ás eleccións galegas do 21 de outubro. Unhas candidaturas que estarán encabezadas por Francisco Jorquera, pola Coruña; Cosme Pombo, por Lugo; Tereixa Paz, por Ourense, e Carlos Aymerich por Pontevedra.
http://youtu.be/Re8VTNFOeoE
O candidato do BNG á presidencia da Xunta salientou que a aprobación polo Consello Nacional é a culminación dun proceso exemplar, no que tanto as listas como o programa do BNG foron froito das achegas da militancia, que as refrendou por amplísima maioría nas asembleas comarcais. O BNG -subliñou- cré e exerce a democracia: no BNG as listas non as fai un señor unha tarde nun despacho.
O 21 de outubro a Galiza indomábel e insubmisa protagonizará un cambio político da man do BNG
Jorquera contrapuxo unhas listas formadas por homes e mulleres capaces e comprometidos, que poñen a súa intelixencia e ilusión ao servizo de Galiza, cunhas listas do PP nas que Feijóo as usa para premiar as fidelidades e a incompetencia.
Así, ironizou que o dirixente popular coloque á fronte da lista da Coruña á conselleira de Traballo, para agradecer que en Galiza nunha houbera tanto paro en Galiza, ou encabezando a lista por Ourense ao conselleiro de Educación, para premiar a súa agresión ao ensino público, o desprezo á lingua galega e o financiamento a colexios que separan ao alumnado por sexos.
En canto ao programa do BNG salientou non é un relatorio de promesas, senón que encarga un proxecto de país.
Só pode defender a soberanía de Galiza unha forza que non ten o seu centro de decisión en Madrid
Jorquera lembrou que o 21 de outubro está en xogo que futuro queremos para Galiza e deixou claro que vai recaer sobre o BNG a responsabilidade de defender a soberanía para Galiza, de defender o autogoberno, porque só o pode facer unha forza que non ten o seu centro de decisión en Madrid, que non precisa tutelas alleas.
A este respeito, o candidato nacionalista advertiu de que no Estado español estamos a sufrir unha brutal ofensiva centralista, cun modelo que no económico busca concentra a riqueza, a costa de empobrecer a maioría social, e que no social acentúa as desigualdades e destrúe os servizos públicos.
A Galiza tócalle dar o paso que deron Euskadi e Catalunya
Porén, salientou que nese proceso non vai estar Euskadi nin Catalunya e defendeu que tampouco vai estar Galiza, porque queiran ou non Galiza tamén é unha nación. Deste xeito, asegurou que agora tócalle a Galiza dar un paso adiante, e só pode facelo reforzando o nacionalismo, dándolle máis forza ao BNG.
E é que, para Francisco Jorquera, a soberanía é unha necesidade para Galiza e é consubstancial á democracia. Así, preguntouse se nestes tempos de crise, é de recibo que os galegos non teñamos capacidade de decidir sobre o futuro do noso naval, da nosa pesca, do noso agro e que o noso futuro o decidan en Madrid ou en Bruxelas?.
Que Feijóo lle pregunte á sociedade galega se quere máis soberanía
Neste sentido, Francisco Jorquera respondeulle ás declaracións de Feijóo nas que afirmou que o que defende o BNG non o quere a sociedade galega. Fronte a iso propúxolle Que lle pregunte á sociedade galega se quere que o destino do seu aforro o decidan en Madrid, que pregunte á sociedade galega se está de acordo en que en Madrid ou Bruxelas decidan se podemos producir, que lle pregunte á sociedade galega se está de acordo con que se lle negue a Galiza o dereito de vivir do seu traballo, que llo pregunte á sociedade galega a ver que opina.
As políticas de Feijóo para Galiza foron as mesmas que as dos Reis Católicos: doma e castración
Por outra parte, o candidato do BNG tamén lle retrucou a Feijóo quen esta semana votou man da historia para replicar á demanda do BNG de soberanía para Galiza.
Jorquera lamentou que a Feijóo non se lle ocorreu mellor cousa que evocar a doma e a castración de Galiza, e xustamente non hai mellor resumo do que representaron as súas políticas para Galiza que esa evocación.
Pero que se entere Feijóo: hai unha Galiza indomábel e insubmisa, porque 500 anos de dominación non conseguiron que Galiza deixase de ser un pobo diferenciado.
Por iso, respondeulle a Feijóo que como dixo Castelao son uns imperialistas fracasados porque Galiza segue existindo como pobo e como nación.
Jorquera apelou a esa Galiza indomábel e insbumisa, á Galiza de Nunca Máis, de Queremos Galego, a que contestou os recortes porque amosouse seguro de que esa Galiza vai dar un paso adiante o 21 de outubro plantándolle cara aos recortes, defendendo a Galiza como nación e abrindo un novo tempo político da man do BNG.
CANDIDATURAS DO BNG ÁS ELECCIÓNS GALEGAS DO 21 DE OUTUBRO
A CORUÑA
1.- Francisco Jorquera Caselas. A Coruña. Candidato á Presidencia da Xunta
2.- Ana Pontón Mondelo. Santiago. Deputada e Portavoz Parlamento de Galiza
3.- Ana Luisa Bouza. A Coruña. Deputada e Viceportavoz Parlamento de Galiza
4.- Fernando Blanco Parga. As Pontes. Ferrolterra. Deputado Parlamento de Galiza
5.- Belén Lendoiro. Carballo. Bergantiños. Concelleira
6.- Dores Torrado. Boiro. Barbanza. Concelleira
7.- Xoán Xesús Carril. Arzúa. A Montaña. Responsábel local
8.- Ánxela Franco. Porto do Son. Muros-Noia. Responsábel comarcal e Portavoz municipal
9.- Manuel Polo Gundín. Fene. Ferrolterra. Concelleiro
10.- Modesto Fraga. Fisterra. Costa da Morte. Responsábel comarcal e Portavoz municipal
11.- Mercedes Tobío. Ferrol. Ferrolterra. Responsábel comarcal e Concelleira
12.- Henrique del Río Otero. Betanzos. A Coruña. Portavoz municipal
13.- Victoria Louro. A Coruña. Consello local
14.- Renato Núnes. Teo. Santiago. Sindicalista
15.- Xoán Manoel Sande. A Laracha. Bergantiños. Responsábel comarcal. Portavoz municipal
16.-Dolores Pena. Outes. Muros-Noia. Portavoz municipal
17.- Xosé María Santín. Melide. A Montaña. Portavoz municipal
18.- Montse Rei. Ordes. Santiago. Concelleira
19.- Xoán Xosé Blanco Riveiro. Mazaricos. Muros-Noia. Portavoz municipal
20.- Abel López Soto. Sada. A Coruña. Portavoz municipal
21.- Cristina Andrade. A Pobra. Barbanza. Vicerresponsábel comarcal e concelleira
22.- Xosé Manuel Penas Patiño. Rois. Santiago. Ex-alcalde
23.- Tereixa Navaza. Santiago. Xornalista
24.- Camilo Nogueira. Santiago. Consello Nacional do BNG
LUGO
1.- Cosme Pombo Rodríguez. Lugo Centro. Mestre
2.- Isabel Sánchez Montenegro. Monforte. Lugo Sur. Deputada Parlamento de Galiza
3.- Ana Ermida Igrexas. Barreiros. A Mariña. Galiza Nova. Portavoz municipal
4.- Antonio Niño Saavedra. Lugo Centro. Sindicalista
5.- Xabier Campos. Ribadeo. A Mariña. Concelleiro
6.- Inés Novo. Vilalba. Lugo Centro. Concelleira
7.- Francisco Villanueva. Lugo. Traballador da Saúde.
8.- Cristina Ferreiro López. Lugo. Plataforma SOS Sanidade Pública
9.- Xosé Paleo Rodríguez. Foz. A Mariña. Sindicalista en Alúmina
10.- Mar Pérez Fra. Lugo. Profesora da USC
11.- Marco López. Xove. A Mariña. Portavoz municipal
12.- Concepción García Iglesias. Taboada. Lugo Sur. Consello comarcal
13.- Bernardo Fraga. Viveiro. A Mariña. Tenente de alcalde
14.- Elva Carreira. A Pastoriza. Lugo Centro. Tenente de alcalde
15.- Antón Bao. Lugo. Tenente de alcalde
OURENSE
1.-Tereixa Paz. Ourense-O Carballiño. Deputada Parlamento de Galiza
2.- Xosé Manuel Cid Fernández. Ourense. Profesor Universidade
3.- Teresa Devesa. Allariz. Allariz-A Limia. Responsábel comarcal Allariz-A Limia. Concelleira
4.- Xosé Rodríguez Cid. Cartelle. Celanova-Baixa Limia. Consello comarcal
5.- Iolanda Rodríguez Draycott. Carballeda de Ávia. O Ribeiro. Mestra
6.- Secundino Fernández Fernández. Viana do Bolo. Monterrei. Portavoz municipal
7.- Xoaquín Pérez. A Rúa. Valdeorras. Portavoz municipal
8.- Belén Martínez Portela. Ourense. Sindicalista
9.- Ramiro Rodríguez Suárez. Xinzo de Limia. Allariz-A Limia. Portavoz municipal
10.- Marco Antonio Reboredo Blanco. O Carballiño. Ourense-O Carballiño.
11.- Susana García Suárez. Ourense. Funcionaria. Activista pola normalización da língua
12.- Perfecta Losada. Verín. Monterrei. Portavoz municipal
13.- Francisco Nogueiras. Emigración. Empresario
14.- Alfredo Suárez Canal. Ourense. Deputado no Parlamento de Galiza.
PONTEVEDRA
1.-Carlos Aymerich Cano. Deputado. Executiva Nacional
2.- Carme Adán Villamarín. Vigo. Deputada. Executiva Nacional
3.- Montse Prado Cores. Cambados. O Salnés. Executiva Nacional
4.- Luís Bará. Pontevedra. Pontevedra. Concelleiro
5.- Daniel Rodas. Moaña. O Morrazo. Concelleiro
6.- Marta Dacosta. Gondomar. Vigo. Sindicalista e escritora
7.- Pedro Pereira. O Porriño. O Condado. Responsábel comarcal
8.- Mar Vila López. Dozón. A Estrada-Deza. Portavoz municipal. Plataforma contra a incineradora de O Irixo
9.- Xosé Manuel Méndez. O Rosal. Baixo Miño. Responsábel comarcal
10.- Iria Aboi. Marín. O Morrazo. Secretaria xeral de Galiza Nova
11.- Xesús López Carreira. Vigo. Consello Nacional
12.- Rosa Abuín. Vilagarcía. O Salnés. Sindicalista
13.- Xosé Ignacio Fernández Zárraga. Caldas de Reis. Pontevedra. Portavoz municipal
14.- Patricia Rodríguez Mariño. Salvaterra de Miño. O Condado. Concelleira
15.- Xosé Magariños Maceira. A Estrada. A Estrada-Deza. Portavoz municipal
16.- Margarita Caldas Moreira. Poio. Pontevedra. Concelleira
17.- Xosé Novas Piñeiro. Bueu. O Morrazo
18.- Cecilia Pérez Orge. Redondela. Vigo. Portavoz municipal
19.- Manuel González Moreira. Vigo. Plataforma SOS Sanidade Pública
20.- Victoria Canoura Leira. Ogrobe. O Salnés. Consello comarcal
21.- Cecilia Tarela Barreiro. Pontecesures. Pontevedra. Tenente de alcalde
22.- Bieito Lobeira. Marín. O Morrazo. Deputado e Coordenador do Grupo Parlamentar
