A ASEMBLEA DO BNG DE OROSO COÑECEU DE PRIMEIRA MAN O PROXECTO NACIONALISTA PARA O CONCELLO DE ALLARIZ

XORNADA DE TRABALLO DO BNG DE OROSO EN ALLARIZ

IMG_20180707_115721_244
Reunión de traballo no Concello de Allariz
XORNADA DE TRABALLO DO BNG DE OROSO EN ALLARIZ

O pasado sábado, día 7 de xullo, a Asemblea do BNG de Oroso visitou o Concello de Allariz, gobernado polo BNG dende fai case 30 anos. Recibidos pola súa alcaldesa, Cristina Cid explicounos as principais transformacións que durante este tempo teñen convertido a Allariz nun concello cun proxecto sólido e con moito futuro, con modelos de economía sostible, creación de emprego e recuperación do patrimonio artístico e natural que conseguen que sexan referentes, non só a nivel galego senón tamén a nivel internacional. Indicounos que un dos principais motores desta mellora e transformación do concello, non é soamente mérito do traballo e esforzo do grupo de goberno, senón que a forza para levalo a cabo parte por facer participe a toda veciñanza da ilusión dun proxecto común. O prototipo do que nós queremos para Oroso.

IMG_20180707_115728_129

Xunto coas concelleiras Maribel Poisa (Concellería de Benestar Social) e Helena Suárez (Concellería de Servizos municipais: Deportes, Transportes e Alumeado público) realizamos unha visita a diferentes puntos da vila de Allariz, onde puidemos comprobar in situ, a realidade desta transformación. Visitamos o Mercado da Reserva da Biosfera, verdadeiro exemplo da promoción de modelos de xestión sostible a través da venta dos seus produtos agropecuarios. A través das rúas do seu casco histórico, puidemos ser testemuñas de intensa actividade social e comercial existente na vila.

IMG_20180707_131856_201IMG_20180707_131338_338IMG_20180707_130816_069

Visitamos as dependencias dos Servizos Sociais e o fogar dos Maiores, onde se nos explicou proxectos coma o servizo de axuda no fogar, xantar sobre Rodas para os maiores, as actividades de desenvolvemento e dinamización rural a través das asociacións veciñais, o funcionamento da casa da Mocidade ou da Escola de familias. Á visita uniuse tamén o anterior alcalde, Francisco García, compartindo tamén con el as positivas impresións da xornada.

IMG_20180707_134116_740IMG_20180707_134631_694IMG_20180707_133844_653

Pola tarde, percorremos a zonas a carón do río Arnoia, os museos etnográficos e o Festival Internacional de Xardíns. Durante a xornada de traballo, foron agromando ideas e iniciativas que se poden poñer en marcha para facer un Oroso mellor. Do mesmo xeito que en Allariz, a proposta do BNG para o Concello de Oroso pasa por antepoñer as necesidades da veciñanza por riba de todo, ofrecéndolle servizos que permitan mellorar a calidade de vida dos nosos veciños e veciñas. En definitiva, a visita a Allariz serviunos de modelo e exemplo de como a política pode incidir no cambio e na transformación da realidade.

IMG_20180707_133448_850IMG-20180707-WA0045

Dende o BNG de Oroso, agradecemos enormemente a dedicación e trato recibido polas compañeiras do BNG de Allariz, as cales foron unhas magnificas anfitrioas, e das que sen dubida tomaremos exemplo do seu bo facer.

 

XORNADA DE TRABALLO DO BNG DE OROSO EN ALLARIZ