Imprimir

APOIO DO BNG DE OROSO AO COMERCIO LOCAL

BNG de Oroso | 19 de decembro de 2018

Apoio ao Comercio Local. Sigüeiro Vende e BNG de Oroso
Apoio ao Comercio Local. Sigüeiro Vende e BNG de Oroso

O BNG de Oroso entregou aos comerciantes da Asociación Sigüeiro Vende un lote de pegatinas para os agasallos, co fin de apoiar o comercio local do noso concello e animar ao consumo de produtos galegos.

Con esta proposta queren tamén contribuír á normalización do uso de galego tamén nestas datas.

O BNG de Oroso considera que o comercio é un sector estratéxico para o noso concello. Neste senso, o noso concelleiro Diego Boquete xunto con Isabel Fernández, repartiron a través da Asociación de comerciantes Sigüeiro Vende, colantes en galego para os agasallos de nadal así como uns dípticos onde explican as súas propostas.

Segundo explicou o noso concelleiro Diego Boquete “Con esta campaña pretendemos defender o pequeno comercio galego, os produtos propios e a súa etiquetaxe en galego como maneira de dinamizar a economía do noso concello”.

Desde o BNG de Oroso salientamos a necesidade de fomentar a produción dos produtos de proximidade, así como a súa transformación e comercialización, de maneira que sexa un elemento de xeración de emprego para o noso concello. Segundo indicou Isabel Fernández “O comercio local ofrece produtos de gran calidade e unha atención moito máis cércana. O seu desenvolvemento conta cunha enorme potencialidade para permitir tamén fixar poboación na nosa comarca”.

Trátase tamén dunha aposta coherente en oposición ás políticas de implantación de grandes superficies e plataformas comerciais que están afogando os pequenos negocios.

Consideramos que apostar pola identidade, por produtos propios de calidade e polo emprego da nosa lingua é fundamental para conseguir reverter o actual consumismo acrítico e fomentar tamén un consumo responsable.

CARTAZ2017122110074222000

Podes ver este artigo na próxima dirección /articulo/novas/apoio-do-bng-oroso-ao-comercio-local/20181219015511001226.html


© 2020 Bloque Nacionalista Galego de Oroso

Bloque Nacionalista Galego

Avda. Rodríguez de Viguri, 16 baixo
15703 Santiago de Compostela (GALIZA)
Teléfono: +34981555850
Correo Nacional: sedenacional@bng.gal
Correo Oroso: oroso@bng.gal